367.89
Սիրիական բանակը ներխուժել է ԻՊ-ի կողմից վերահսկվող խոշորագույն քաղաքներից մեկը
1 րոպեի ընթերցում
ԵՐԵՎԱՆ, 6 ՀՈԿՏԵՄԲԵՐԻ, ԱՐՄԵՆՊՐԵՍ: Սիրիական բանակը ներխուժել է «Իսլամական պետություն» ահաբեկչական խմբավորման կողմից վերահսկվող խոշորագույն քաղաքներից մեկը, որը գտնվում է Դեր Զորից 45 կիլոմետր հեռավորության վրա: Ինչպես հաղորդում է «Արմենպրես»-ը, այս մասին «Ռիա Նովոստի»-ին հայտնել է սիրիական կառավարական բանակի բրիգադի գեներալներից մեկը:
Սիրիական ջոկատները հսկողության տակ են վերցրել Մեյադին քաղաքի արևմտյան շուկան, Ար Ռահբա միջնաբերդը և Սավամի ալ-Գալյալ շրջանը: «Ահաբեկիչների հետ կատաղի մարտեր են ընթանում քաղաքի հարավում, որտեղ կառավարական ուժերը գրավել են աշ-Շաբլի և ալ-Մադֆայա շրջանները»,- հայտնել է գեներալը:
Նա պատմել է, որ բանակը խաղաղ բնակչությանը քաղաքից դուրս բերելու համար մարդասիրական միջանցք է ապահովել: Գրոհայինները շարունակում են իրենց մոտ պահել քաղաքի բնակչության մի մասին՝ նրանց որպես «կենդանի վահան» օգտագործելու նպատակով:Կարդացեք հոդվածը` Русский
Բաժանորդագրվեք մեր ալիքին Telegram-ում