368.12
Նոր Զելանդիայում սաստիկ հրդեհ Է բռնկել մարդատար նավում
1 րոպեի ընթերցում
ԵՐԵՎԱՆ, 18 ՀՈՒՆՎԱՐԻ, ԱՐՄԵՆՊՐԵՍ: Սաստիկ հրդեհ Է բռնկել նորզելանդական մարդատար նավում, որը գտնվում Էր ափից մոտավորապես մեկ կիլոմետրի վրա՝ Ֆակատանե քաղաքից (Հյուսիսային կղզի) ոչ հեռու: Ոստիկանության ճշգրտած տվյալներով՝ նավում եղել են 57 ուղեւոր եւ անձնակազմի յոթ անդամ, տեղեկացնում Է «Արմենպրես»-ը:
Փրկարարները կարողացել են աղետի ենթարկված նավին մոտեցնել մի քանի կատերներ ու նավակներ եւ տարահանել մարդկանց, դրա հետ մեկտեղ շատ ուղեւորներ ստիպված են եղել նետվել ջուրը: Վերջին տվյալներով՝ բոլոր մարդիկ փրկված են եւ հասցվել են ափ: Ինչպես հայտնել են բժիշկները, տուժածները լուրջ վնասվածքներ եւ այրվածքներ չունեն: Հրդեհի պատճառների մասին առայժմ ոչինչ չի նշվում, հաղորդել Է ՏԱՍՍ-ը:
Կարդացեք հոդվածը` Русский
Բաժանորդագրվեք մեր ալիքին Telegram-ում