ԵՐԵՎԱՆ, 23 ԴԵԿՏԵՄԲԵՐԻ, ԱՐՄԵՆՊՐԵՍ: Հայաստանի վարած ակտիվ արտաքին քաղաքականությունն ու գրանցած հաջողությունները 2011 թվականին առավելագույնս ապահովվեցին, որ Հայաստանն ընկալվի  որպես մրցունակ երկիր եւ վայելի վստահելի միջազգային գործընկերոջ հեղինակությունը: Ինչպես տեղեկացնում է «Արմենպրես»-ը, «Քաղաքական զարգացումների հետազոտական կենտրոն»-ի գնահատմամբ,  Հայաստանը նշանակալի խթանիչ դերակատարություն է ունեցել անցնող տարում ԱՊՀ ու ՀԱՊԿ ինտեգրման ապահովման գործընթացներում, միաժամանակ վարել է եվրոպական ինտեգրման վեկտորին հարիր քաղաքականություն:

Կենտրոնի ուսումնասիրությունների համաձայն` ՀՀ կառավարությունն իրականացրել է նաեւ հստակ քայլեր մրցունակ տնտեսության ապահովման համար: Այդ նկատակով ընդգծվում է հատկապես այն փաստը, որ ստեղծվել են կարեւոր նախադրյալներ պետական կառավարման ոլորտում, էլեկտրոնային կառավարման համակարգում, օլիգոպոլիաների դեմ նոր որակի քաղաքականության ձեւավորմամբ ու բիզնեսի համար անհրաժեշտ գործիքակազմի կիրարկմամբ: 

Դիտվել է 620 անգամ