Իսրայելը Ռաֆահի որոշ շրջանների բնակիչներին խորհուրդ է տվել լքել քաղաքը
12:27, 11 Մայիս 2024
ԵՐԵՎԱՆ, 11 ՄԱՅԻՍԻ, ԱՐՄԵՆՊՐԵՍ։ Իսրայելի զինվորականները խորհուրդ են տվել Գազայի հատվածի հարավում գտնվող Ռաֆահ քաղաքի ևս մի քանի շրջանների բնակիչներին լքել այն՝ ռազմական գործողության ընդլայնման պատճառով: «Արմենպրես»-ի փոխանցմամբ՝ այս մասին հայտնում է «Ինտերֆաքս»-ը՝ վկայակոչելով Իսրայելի պաշտպանության բանակի հաղորդագրությունը։
Զինվորականները կոչ են արել քաղաքացիներին տեղափոխվել Խան Յունիսի Ալ-Մավասիի ընդլայնված մարդասիրական գոտի:
Դեռևս մայիսի 6-ին իսրայելական բանակը հայտնել էր, որ սկսել է նախապատրաստվել Ռաֆահի արևելյան շրջանների բնակչության տարհանմանը:
Բաժանորդագրվեք մեր ալիքին Telegram-ում