ფაშინიანმა განაცხადა, თუ რა შემთხვევაში დაასრულებს პრემიერ-მინისტრის თანამდებობაზე თავის საქმიანობას
1 წუთი კითხვის
სომხეთის რესპუბლიკის პრემიერ-მინისტრმა ნიკოლ ფაშინიანმა განაცხადა, თუ რა შემთხვევაში დაასრულებს პრემიერ-მინისტრის პოსტზე თავის საქმიანობას. „არმენპრესის“ ცნობით, ფაშინიანი ამ საკითხს ჟურნალისტებთან ბრიფინგზე შეეხო.
„ჩემი მიზანი შემდეგია: პრემიერ-მინისტრად ჩემი საქმიანობა დავასრულო იმ პირობებში, როდესაც სამშვიდობო შეთანხმება ხელმოწერილი და რატიფიცირებული იქნება. თუ ასე არ მოხდა, ამას პირადად ჩემთვის მარცხად მივიჩნევ“, - განაცხადა ფაშინიანმა.
სომხეთმა და აზერბაიჯანმა 2025 წლის 8 აგვისტოს ვაშინგტონში პარაფირება გაუკეთეს შეთანხმებას „სომხეთის რესპუბლიკასა და აზერბაიჯანის რესპუბლიკას შორის მშვიდობისა და სახელმწიფოთაშორისი ურთიერთობების დამყარების შესახებ“.