სომხეთსა და რუსეთს შორის ურთიერთობების ინვენტარიზაციის პროცესი გრძელდება - ფაშინიანი

სომხეთი და რუსეთი ურთიერთობების დაზუსტების კონტექსტში ინვენტარიზაციის პროცესს აგრძელებენ. „არმენპრესის“ ცნობით, ამის შესახებ ჟურნალისტებთან ბრიფინგზე ნიკოლ ფაშინიანმა რუსული გაზის ტარიფის გადახედვასთან დაკავშირებული კითხვის საპასუხოდ განაცხადა.

„როგორც ბიშკეკის მოლაპარაკებების დროს რუსეთთან შევთანხმდით, ვასრულებთ სომხეთის რესპუბლიკა-რუსეთის ფედერაციის ურთიერთობების ინვენტარიზაციას, რათა ვნახოთ, თუ რა შრეებისგან შედგება ისინი. დგება რკინიგზის საკითხი, ყველა იწყებს ამით დაკავებას, შემდეგ დგება გაზის საკითხი. სომხეთ-რუსეთის ურთიერთობები მრავალშრიანია და იქ მრავალი პრობლემა, საკითხი თუ შესაძლებლობა არსებობს. ინვენტარიზაციის ეს პროცესი მიმდინარეობს და განხილვები გრძელდება ან იწყება“, - განაცხადა ფაშინიანმა.

პრემიერ-მინისტრმა დასძინა, რომ მათ შორის გაზის იმპორტსა და სხვა საკითხებთან დაკავშირებით მოლაპარაკებები ყველა შესაძლო ქვეყანასთან მიმდინარეობს.