ვენეციაში სომხეთსა და იტალიას შორის ეკონომიკური თანამშრომლობის გაფართოების პერსპექტივები განიხილეს
1 წუთი კითხვის
ევროპულ ბაზრებზე სომხური საწარმოების შესვლის ხელშეწყობისკენ მიმართული სომხეთის რესპუბლიკის მთავრობის პროგრამის ფარგლებში, 20 ივლისს ვენეციაში, სომხეთის საპატიო საკონსულოში სამუშაო შეხვედრა გაიმართა.
„არმენპრესის“ ცნობით, როგორც იტალიაში სომხეთის საელჩო იუწყება, შეხვედრაში მონაწილეობდნენ სომხეთის ეკონომიკის მინისტრის მოადგილე ანუშუკ ავეტიანი, იტალიაში სომხეთის ელჩი ვლადიმირ კარაპეტიანი, ფონდ „ინვესტიციების მხარდაჭერის ცენტრის“ დირექტორი გოჰარ აბაჯიანი, ვენეციის მეწარმეთა ასოციაცია CONFAPI-ს პრეზიდენტი მარკო ძეკინელი, გენერალური დირექტორი ნიკოლა ძანონი და მმართველობის საბჭოს წევრები.
შეხვედრის მიმდინარეობისას განხილულ იქნა სომხეთ-იტალიის ეკონომიკური თანამშრომლობის გაფართოების პერსპექტივები, აზრები გაიცვალა სხვადასხვა სფეროში სომხური პროდუქციის ევროპულ ბაზრებზე დაწინაურების, ასევე ორ ქვეყანას შორის სავაჭრო-ეკონომიკური კავშირების განმტკიცებისა და ახალი ბიზნეს-შესაძლებლობების შექმნის ირგვლივ.
შემდეგ დელეგაცია მიიღო ვენეციის პრეფექტმა დარკო პელოსმა. შეხვედრისას ხაზი გაესვა სომხეთსა და იტალიას შორის ეკონომიკური და ინსტიტუციური თანამშრომლობის შემდგომი განვითარების მნიშვნელობას.