აშშ-ში სომხური სასოფლო-სამეურნეო პროდუქციის ამერიკულ ბაზარზე ექსპორტის შესაძლებლობები განიხილეს
1 წუთი კითხვის
ამერიკის შეერთებულ შტატებში სომხეთის რესპუბლიკის ელჩი ნარეკ მრკტჩიანი აშშ-ის საგარეო სასოფლო-სამეურნეო სამსახურის ხელმძღვანელს დენიელ უიტლის შეხვდა.
„არმენპრესის“ ცნობით, ამის შესახებ აშშ-ში სომხეთის საელჩო იუწყება და დასძენს, რომ შეხვედრისას განიხილეს სომხეთსა და ამერიკის შეერთებულ შტატებს შორის სოფლის მეურნეობის სფეროში თანამშრომლობის გაფართოების შესაძლებლობები.
„განიხილეს სომხური სასოფლო-სამეურნეო პროდუქციის აშშ-ის ბაზარზე ექსპორტის შესაძლებლობები, ბაზარზე შესვლის პროცედურების, მოქმედი რეგულაციების, ასევე ექსპორტის ხელშეწყობის წინაპირობების გათვალისწინებით“, - აღნიშნულია საელჩოს მიერ გავრცელებულ განცხადებაში.
ასევე განიხილეს ორ ქვეყანას შორის დარგობრივ კერძო კომპანიებს შორის საქმიანი კავშირების დამყარებისა და ურთიერთსასარგებლო თანამშრომლობის განვითარების პერსპექტივები.