1 წუთი კითხვის
სომხეთის რესპუბლიკის პრემიერ-მინისტრი ნიკოლ ფაშინიანი ამერიკის შეერთებულ შტატებსა და ირანს შორის სამშვიდობო შეთანხმების მიღწევას მიესალმება.
„არმენპრესის“ ცნობით, ამის შესახებ სომხეთის პრემიერ-მინისტრმა X-ის საკუთარ მიკრობლოგში გაკეთებულ ჩანაწერში აღნიშნა.
„მივესალმებით შეერთებულ შტატებსა და ირანს შორის მიღწეულ შეთანხმებას. ჩვენ მაღალ შეფასებას ვაძლევთ პაკისტანის, კატარის, თურქეთისა და სხვათა შუამავლობით ძალისხმევას“, - ხაზგასმით აღნიშნა ნიკოლ ფაშინიანმა.
სომხეთის რესპუბლიკის პრემიერ-მინისტრმა ასევე იმედი გამოთქვა, რომ ეს მნიშვნელოვანი მოვლენა გზას გაუკაფავს ახლო აღმოსავლეთში ყოვლისმომცველ და გრძელვადიან მშვიდობას.
ამერიკის შეერთებულ შტატებსა და ირანს შორის სამშვიდობო მოლაპარაკებები 14 ივნისს შეჯამდა, ხოლო შეთანხმება შვეიცარიაში 19 ივნისს გაფორმდება.
ირანთან სამშვიდობო შეთანხმების მიღწევის შესახებ 15 ივნისს აშშ-ის პრეზიდენტმა დონალდ ტრამპმა განაცხადა.