არმენ გრიგორიანმა და ჰიქმეთ ჰაჯიევმა დილიჯანში სამშვიდობო დღის წესრიგთან დაკავშირებული საკითხები განიხილეს

14 ივნისს დილიჯანში სომხეთის რესპუბლიკის უშიშროების საბჭოს მდივნის არმენ გრიგორიანისა და აზერბაიჯანის რესპუბლიკის პრეზიდენტის თანაშემწის ჰიქმეთ ჰაჯიევის სამუშაო შეხვედრა გაიმართა.

როგორც „არმენპრესს“ სომხეთის რესპუბლიკის უშიშროების საბჭოდან აცნობეს, შეხვედრის მსვლელობისას მხარეებმა სომხეთსა და აზერბაიჯანს შორის სამშვიდობო დღის წესრიგთან დაკავშირებული საკითხები განიხილეს. ხაზი გაესვა ორმხრივი უწყვეტი დიალოგის მნიშვნელობას რეგიონში გრძელვადიანი მშვიდობისა და სტაბილურობის განმტკიცებისკენ მიმართული ძალისხმევის კონტექსტში.

მხარეებმა ასევე გაცვალეს აზრები ორ ქვეყნის სამოქალაქო საზოგადოებებს შორის ორმხრივი ნდობის აღდგენის ღონისძიებების შესახებ.

არმენ გრიგორიანი და ჰიქმეთ ჰაჯიევი შეთანხმდნენ სამუშაო კონტაქტების გაგრძელებაზე და აღნიშნეს, რომ შემდეგი შეხვედრა აზერბაიჯანში გაიმართება.