თურქეთის პრეზიდენტმა ნიკოლ ფაშინიანს არჩევნებში გამარჯვება მიულოცა

თურქეთის პრეზიდენტმა რეჯეფ თაიფ ერდოღანმა სომხეთის პრემიერ-მინისტრ ნიკოლ ფაშინიანს საპარლამენტო არჩევნებში პარტია „სამოქალაქო ხელშეკრულების“ გამარჯვებასთან დაკავშირებით მისალოცი გზავნილი გაუგზავნა.

როგორც „არმენპრესი“ სომხეთის რესპუბლიკის პრემიერ-მინისტრის აპარატის მიერ გავრცელებული განცხადებიდან შეიტყობს, გზავნილში ნათქვამია:

„ჩემი ხალხისა და პირადად ჩემი სახელით გულწრფელად გილოცავთ 2026 წლის 7 ივნისს სომხეთის რესპუბლიკაში გამართულ საპარლამენტო არჩევნებში თქვენს მიერ ხელმძღვანელობელი პარტია „სამოქალაქო ხელშეკრულების“ მიერ მიღწეულ წარმატებას და გისურვებთ წარმატებებს მთავრობის მესამედ ჩამოყალიბების საქმეში.

სრულად მწამს, რომ რეგიონში გრძელვადიანი მშვიდობისა და სტაბილურობის დამყარებისა და ამ მიმართულებით აუცილებელი თანამშრომლობის უზრუნველყოფის თაობაზე თქვენი სტრატეგიული ხედვა წარმატებით იქნება მიყვანილი ბოლომდე.

სარგებლიანი შემთხვევით, კიდევ ერთხელ გისურვებთ ჯანმრთელობასა და კეთილდღეობას, ხოლო სომხეთის ხალხს - აყვავებასა და ბედნიერებას“.

სომხეთში 7 ივნისს გამართული საპარლამენტო არჩევნების წინასწარი შედეგების მიხედვით, პარლამენტში სამი პოლიტიკური ძალა შედის: პარტია „სამოქალაქო ხელშეკრულება“, ბლოკი „ძლიერი სომხეთი“ და ბლოკი „სომხეთი“.

წინასწარი მონაცემებით, პარტია „სამოქალაქო ხელშეკრულებამ“ 727 827 ხმა ანუ 49,825% მიიღო. მიღებული ხმების წყალობით, პარტია პარლამენტში უმრავლესობას მოიპოვებს და მთავრობას ჩამოაყალიბებს. ბლოკმა „ძლიერი სომხეთი“ 340 088 ხმა (23,281%) მიიღო, ხოლო ბლოკმა „სომხეთი“ - 145 113 ხმა (9,934%).

საარჩევნო ბარიერთან, რომელიც 4%-ს შეადგენს, ძალიან ახლოს არის პარტია „აყვავებული სომხეთი“. წინასწარი შედეგებით, პარტიამ ხმების 3,996% მიიღო. პარლამენტში მოსახვედრად მას 0,004 პროცენტული პუნქტი აკლია. პარტია „აყვავებულმა სომხეთმა“ უფრო ადრე განაცხადა, რომ მიმართავს ცესკო-ს რამდენიმე საარჩევნო უბანზე ხმების გადათვლის მოთხოვნით.

ამ დროისთვის ხმების ხელახალი გადათვლის პროცესი მიმდინარეობს, არჩევნების საბოლოო შედეგები კი 14 ივნისს გამოცხადდება.