სომხეთისა და ლატვიის საგარეო საქმეთა მინისტრებმა ეკონომიკურ სფეროში თანამშრომლობის გააქტიურების საკითხები განიხილეს

სომხეთის რესპუბლიკის საგარეო საქმეთა მინისტრმა არარატ მირზოიანმა სატელეფონო საუბარი გამართა ლატვიის საგარეო უწყების ხელმძღვანელ ბაიბა ბრაჟესთან.

„არმენპრესის“ ცნობით, ამის შესახებ ინფორმაციას სომხეთის საგარეო საქმეთა სამინისტრო ავრცელებს. მხარეებმა სომხეთსა და ლატვიას შორის ორმხრივი პარტნიორობის შემდგომი გაძლიერების საკითხები განიხილეს. ხაზი გაესვა ეკონომიკურ სფეროში ურთიერთქმედების გააქტიურების მნიშვნელობას, პოლიტიკურ დონეზე არსებული მზაობის გათვალისწინებით.

არარატ მირზოიანმა და ბაიბა ბრაჟემ აზრები გაცვალეს სომხეთი-ევროკავშირის პარტნიორობის სტრატეგიული დღის წესრიგის იმპლემენტაციის მიმდინარეობაზეც.

სომხეთისა და ლატვიის საგარეო საქმეთა მინისტრები ასევე შეეხნენ დემოკრატიული პროცესების წინააღმდეგ მიმართულ სხვადასხვა ჰიბრიდულ ქმედებებს და მათთან ეფექტური დაპირისპირების გზებს.