სომხეთ-თურქეთის პირდაპირი ვაჭრობა ხელს შეუწყობს ახალი ბაზრების ათვისებასა და ბიზნეს-თანამშრომლობის გაფართოებას - ეკონომიკის სამინისტრო

სომხეთის ეკონომიკის მინისტრმა ბიზნესწრეებს სომხეთსა და თურქეთს შორის პირდაპირი ვაჭრობის დაწყების შესახებ აცნობა. „არმენპრესის“ ცნობით, შესაბამისი განცხადება ეკონომიკის სამინისტრომ გაავრცელა.

„პატივცემულო ბიზნესმენებო, 2026 წლის 11 მაისიდან სომხეთსა და თურქეთს შორის პირდაპირი ვაჭრობა დაიწყო.

შედეგად, გაჩნდა შესაძლებლობა ორ ქვეყანას შორის პირდაპირი საქონელბრუნვა განხორციელდეს, რაც ხელს შეუწყობს ხარჯებისა და მიწოდების ვადების არსებით შემცირებას, ასევე ბიზნესისთვის ახალი ბაზრების ათვისებასა და თანამშრომლობის შესაძლებლობების გაფართოებას.

ამავდროულად, მესამე ქვეყნების გავლით ტრანსპორტირების შემთხვევაშიც, საქონლის წარმოშობის ქვეყნად ან საბოლოო დანიშნულების წერტილად ოფიციალურად შეიძლება მიეთითოს „სომხეთი“ ან „თურქეთი“.

კითხვების შემთხვევაში, გთხოვთ დაგვიკავშირდეთ ნომერზე: 011597211“, - ნათქვამია სამინისტროს მიერ გავრცელებულ განცხადებაში.

შეგახსენებთ, რომ თურქეთის საგარეო საქმეთა სამინისტრომ 13 მაისს სომხეთთან პირდაპირი ვაჭრობის დასაწყებად მოსამზადებელი სამუშაოების დასრულების შესახებ განაცხადა. თურქეთის საგარეო უწყების განცხადებას მიესალმა სომხეთის საგარეო საქმეთა სამინისტროს პრესსპიკერი ანი ბადალიანი. მან ხაზგასმით აღნიშნა, რომ ეს მნიშვნელოვანი ნაბიჯია ორ ქვეყანას შორის სრულფასოვანი და ნორმალური ურთიერთობების განვითარების გზაზე.