სომხეთისა და რუმინეთის საგარეო საქმეთა მინისტრებმა სომხეთი-ევროკავშირის პარტნიორობის გაღრმავების ინიციატივები განიხილეს
1 წუთი კითხვის
სომხეთის საგარეო საქმეთა მინისტრმა არარატ მირზოიანმა 16 აპრილს სატელეფონო საუბარი გამართა რუმინეთის საგარეო საქმეთა მინისტრ ოანა-სილვია ცოიუსთან.
როგორც „არმენპრესი“ სომხეთის საგარეო უწყების მიერ გავრცელებული განცხადებიდან იტყობინება, თანამოსაუბრეებმა განიხილეს სომხეთი-ევროკავშირის პარტნიორობის გაღრმავებისკენ მიმართული ინიციატივები։ ხაზი გაესვა ორმხრივ მზადყოფნას დარგობრივი მიმართულებებით ურთიერთთანამშრომლობის წინ წაწევის საკითხში.
საუბარი ასევე შეეხო მაისის დასაწყისში ერევანში დაგეგმილ მაღალი დონის ღონისძიებებში მონაწილეობის საკითხებს. ხაზი გაესვა ორმხრივი დღის წესრიგის უწყვეტი გამდიდრების მიმართულებით მიმდინარე სამუშაოებს.
არარატ მირზოიანმა და ოანა-სილვია ცოიუმ აზრები გაცვალეს რეგიონულ განვითარებებთან დაკავშირებით. მინისტრებმა ხაზი გაუსვეს ეკონომიკური და სატრანსპორტო კომუნიკაციების პროექტების რეალიზაციისადმი ინტერესსა და მათ მიერ შეთავაზებულ უპირატესობებს.