სომხეთის საგარეო საქმეთა მინისტრმა და ევროკავშირის ოფიციალურმა პირმა ბრიუსელში სომხეთი-ევროკავშირის თანამშრომლობა და უსაფრთხოების საკითხები განიხილეს
1 წუთი კითხვის
სომხეთის საგარეო საქმეთა მინისტრი არარატ მირზოიანი 14 აპრილს ბრიუსელში თავდაცვისა და კოსმოსის საკითხებში ევროკომისარ ანდრიუს კუბილიუსს შეხვდა. „არმენპრესის“ ცნობით, ამის შესახებ ინფორმაციას სომხეთის საგარეო საქმეთა სამინისტრო ავრცელებს.
თანამოსაუბრეებმა კმაყოფილებით აღნიშნეს სომხეთი-ევროკავშირის პარტნიორობის გაფართოების აქტიური დინამიკა.
არარატ მირზოიანმა და ანდრიუს კუბილიუსმა აზრები გაცვალეს ბოლო პერიოდში განვითარებულ უსაფრთხოებისა და თავდაცვის სფეროში ურთიერთქმედების პერსპექტივებზე. ორმხრივად ხაზი გაესვა, რომ დემოკრატიული რეფორმების განხორციელების საქმეში სომხეთის მიერ მიღწეულმა მნიშვნელოვანმა პროგრესმა, ისევე როგორც სომხეთი-ევროკავშირის პარტნიორობის სტრატეგიული დღის წესრიგის მიღებამ, თანამშრომლობის ახალი ხედვა და შესაძლებლობები ჩამოაყალიბა.
საუბარი შეეხო მაისში ერევანში დაგეგმილი მაღალი დონის ღონისძიებების, მათ შორის სომხეთი-ევროკავშირის სამიტის დღის წესრიგის საკითხებს.
სომხეთის საგარეო პოლიტიკური უწყების ხელმძღვანელმა და ევროკომისარმა აზრები გაცვალეს რეგიონულ მოვლენებზე. მინისტრმა მირზოიანმა წარადგინა სომხეთსა და აზერბაიჯანს შორის დამყარებული მშვიდობის შემდგომი ინსტიტუციონალიზაციისკენ მიმართული სამუშაოები.