სომხეთის ტერიტორიული მართვისა და ინფრასტრუქტურის მინისტრმა და აშშ-ის საქმეთა დროებითმა რწმუნებულმა ენერგეტიკისა და ტრანსპორტის სექტორების საკითხები განიხილეს
1 წუთი კითხვის
სომხეთის რესპუბლიკის ტერიტორიული მართვისა და ინფრასტრუქტურის მინისტრმა, დავით ხუდათიანმა, 2 აპრილს სომხეთში აშშ-ის საქმეთა დროებითი რწმუნებული, დევიდ ალენი მიიღო. „არმენპრესის“ ცნობით, შეხვედრის შესახებ მინისტრმა „ფეისბუქის“ საკუთარ გვერდზე დაწერა.
„მაღალი შეფასება მივეცი აშშ-ის წვლილს რეგიონში დამყარებული მშვიდობის საქმეში. შეხვედრისას განვიხილეთ ენერგეტიკისა და ტრანსპორტის სექტორებთან დაკავშირებული საკითხები. ცალკე შევეხეთ განახლებად ენერგეტიკასა და ამ სფეროს საკანონმდებლო რეგულაციებს, ასევე სამთო-მოპოვებით მრეწველობას“, - დაწერა მან.
დევიდ ალენმა მადლობა გადაუხადა მიღებისთვის და გამოთქვა მზადყოფნა ტერიტორიული მართვისა და ინფრასტრუქტურის სამინისტროსთან მჭიდრო თანამშრომლობისთვის, რათა განხორციელდეს არსებული დღის წესრიგით განსაზღვრული პროექტები და გაფართოვდეს ურთიერთქმედება.
მიღწეულია შეთანხმება დასახული მიმართულებებით ეფექტიანი თანამშრომლობის გაგრძელების შესახებ.