სომხეთისა და საქართველოს თავდაცვის მინისტრებმა ახლო აღმოსავლეთში არსებული ვითარება განიხილეს

სომხეთის რესპუბლიკის თავდაცვის მინისტრმა, სურენ პაპიკიანმა სატელეფონო საუბარი გამართა საქართველოს ვიცე-პრემიერთან, თავდაცვის მინისტრ ირაკლი ჩიქოვანთან.

როგორც „არმენპრესი“ იტყობინება, ამის შესახებ სომხეთის თავდაცვის სამინისტროს პრესმდივანი, არამ თოროსიანი აცხადებს.

აღინიშნება, რომ სატელეფონო საუბრისას მინისტრებმა ახლო აღმოსავლეთში მიმდინარე ბოლო პროცესები, ასევე ორმხრივ თანამშრომლობასთან დაკავშირებული საკითხები განიხილეს.

მინისტრებმა ორივე მხრიდან ხაზი გაუსვეს სტაბილურობისა და მშვიდობის სწრაფი დამყარების აუცილებლობას.