1 წუთი კითხვის
საფრანგეთის პრეზიდენტი ემანუელ მაკრონი სომხეთს ორდღიანი ვიზიტით 4 მაისს ეწვევა.
„არმენპრესის“ ცნობით, ამის შესახებ X-ის საკუთარ მიკრობლოგში საფრანგეთში სომხეთის საპატიო კონსულმა დენის ჯორკაეფმა დაწერა.
„რესპუბლიკის პრეზიდენტი ემანუელ მაკრონი სომხეთს ორდღიანი ვიზიტით 4 მაისს ეწვევა. იგი შეხვდება ნიკოლ ფაშინიანს და მონაწილეობას მიიღებს ევროპული პოლიტიკური გაერთიანების სამიტში, რომელიც ერევანში გაიმართება“, - დაწერა მან.
2026 წლის 4 მაისს ერევანში ევროპული პოლიტიკური გაერთიანების მე-8 შეხვედრა ჩატარდება.