ფაშინიანი და მაკრონი გიუმრიში დაესწრნენ კონცერტს სახელწოდებით „მუსიკალური ხიდი: სომხეთი-საფრანგეთი“

სომხეთის პრემიერ-მინისტრი ნიკოლ ფაშინიანი და საფრანგეთის პრეზიდენტი ემანუელ მაკრონი გიუმრიში დაესწრნენ კონცერტს სახელწოდებით „მუსიკალური ხიდი: სომხეთი-საფრანგეთი“. „არმენპრესის“ ცნობით, კონცერტი მიეძღვნა ორ ქვეყანას შორის დიპლომატიური ურთიერთობების დამყარების 34-ე წლისთავსა და საფრანგეთის პრეზიდენტის სომხეთში სახელმწიფო ვიზიტს.

კონცერტი საფრანგეთისა და სომხეთის სახელმწიფო ჰიმნების ცოცხალი შესრულებით დაიწყო. სცენაზე გაჟღერდა მსოფლიო დონის შანსონიეს, წარმოშობით სომეხი ფრანგი ხელოვანის, შარლ აზნავურის ნაწარმოებები.

შესრულებით წარსდგნენ სომხეთის სახელმწიფო სიმფონიური ორკესტრი, ჰოვანეს ჩექიჯიანის სახელობის სომხეთის ეროვნული აკადემიური გუნდი, ასევე მომღერლები სომხეთიდან და საფრანგეთიდან.

გიუმრის ვარდანანცის მოედანზე გამართულ კონცერტს ასევე ესწრებოდნენ სომხეთის რესპუბლიკის პრეზიდენტი ვაჰაგნ ხაჩატურიანი, სომხეთისა და საფრანგეთის მინისტრები, სხვა მაღალჩინოსნები და მოქალაქეები.