ნიკოლ ფაშინიანმა განაცხადა, რომ თურქეთში გამგზავრებას გეგმავს COP31-ში მონაწილეობის მისაღებად

სომხეთის პრემიერ-მინისტრი ნიკოლ ფაშინიანი თურქეთის ქალაქ ანთალიაში გამგზავრებას გეგმავს გაეროს კლიმატის ცვლილების 31-ე კონფერენციაში (COP31) მონაწილეობის მისაღებად. „არმენპრესის“ ცნობით, ამის შესახებ სომხეთის ლიდერმა ჟურნალისტებთან ბრიფინგზე განაცხადა.

„დიახ, COP-ში მონაწილეობის მისაღებად ანთალიაში გამგზავრებას ვგეგმავ“, - აღნიშნა ნიკოლ ფაშინიანმა.

გაეროს კლიმატის ცვლილების 31-ე კონფერენცია (COP31) 9–20 ნოემბერს თურქეთის ქალაქ ანთალიაში გაიმართება.