სომხეთის რესპუბლიკის ელჩმა რწმუნებათა სიგელები გადასცა მოლდოვას პრეზიდენტს

ბუქარესტში რეზიდენციის მქონე მოლდოვის რესპუბლიკაშ სომხეთის რესპუბლიკის ელჩმა, ტიგრან გალსტიანმა, რწმუნებათა სიგელები გადასცა მოლდოვის პრეზიდენტს, მაია სანდუს.

„არმენპრესის“ ინფორმაციით, სომხეთის რესპუბლიკის საგარეო საქმეთა სამინისტრო იტყობინება, რომ რწმუნებათა სიგელების გადაცემის ოფიციალურ ცერემონიას შემდგომი საუბრის დროს პრეზიდენტმა მაია სანდუმ მიულოცა ელჩს თანამდებობის დაკავება და უსურვა ნაყოფიერი საქმიანობა ორ ქვეყანას შორის ურთიერთობების განვითარების საქმეში.

საუბრისას ელჩმა გალსტიანმა აღნიშნა, რომ მზად არის, გააძლიეროს სომხეთ-მოლდოვას მეგობრული ურთიერთობები, განამტკიცოს ორმხრივად მომგებიანი თანამშრომლობა ყველა სფეროში, რომელიც ორივე ქვეყანას აინტერესებს, გაააქტიუროს პოლიტიკური დიალოგი და კონტაქტები.

ასევე გაცვალეს მოსაზრებები ორმხრივი თანამშრომლობის პრიორიტეტულ მიმართულებებზე, რეგიონულ უსაფრთხოებასა და კავშირებთან დაკავშირებულ საკითხებზე, ასევე მოლდოვის ევროკავშირში გაწევრიანების პროცესსა და სომხეთ-ევროკავშირის სტრატეგიულ პარტნიორობის დღის წესრიგზე.