2 წუთი კითხვის
სომხეთის მთავრობამ დაამტკიცა სომხეთსა და საქართველოს შორის უნებართვოდ მცხოვრები პირების დაბრუნების (რეადმისიის) შესახებ შეთანხმების რატიფიკაცია։
სომხეთსა და საქართველოს რეადმისიის შეთანხმება 2025 წლის 21 ივლისს თბილისში იქნა ხელმოწერილი․
„არმენპრესის“ ინფორმაციით, საკითხი შეტანილი იყო სომხეთის მთავრობის 14 ნოემბრის სხდომის დღის წესრიგში, არასაანგარიშო საკითხთა ჩამონათვალში․
პროექტის განმარტებით ბარათში აღნიშნულია, რომ სომხეთის რესპუბლიკასა და საქართველოს შორის რეადმისიის საკითხების სამართლებრივად მოწესრიგების მიზნით საერთაშორისო ხელშეკრულების გაფორმება მიზანშეწონილია უკანონო მიგრაციასთან ბრძოლისთვის, ვინაიდან რეადმისიის შეთანხმებები ითვლება უკანონო მიგრაციის წინააღმდეგ ბრძოლის ეფექტურ ინსტრუმენტად. ორ ქვეყნას შორის მსგავსი შეთანხმების განახორციელება განსაკუთრებით მნიშვნელოვანია იმის გათვალისწინებით, რომ სომხეთი და საქართველო მეზობელი სახელმწიფოებია.
სომხეთსა და საქართველოს შორის უკანონო მდგომარეობაში მყოფი პირების დაბრუნების (რეადმისიის) საკითხების მოწესრიგებასთან დაკავშირებული საერთაშორისო ხელშეკრულების გაფორმება შესაძლებლობას შექმნის ორი ქვეყნის ტერიტორიებზე უკანონოდ მყოფი როგორც საკუთარი მოქალაქეების, ასევე მესამე ქვეყნების მოქალაქეების და მოქალაქეობის არმქონე პირების გამოვლენისა და მათი დაბრუნების ორგანიზების მიმართულებით ერთობლივი და კოორდინირებული ნაბიჯების გადადგმისათვის.
გარდა ამისა, შემუშავდება რეადმისიის პროცესის სამართლებრივი საფუძველი განისაზღვრება მხარეთა მოქალაქეობას დამადასტურებელი დოკუმენტების სია, იმ დოკუმენტების ჩამონათვალი, რომლებიც წარმოადგენენ საფუძველს მესამე ქვეყნების მოქალაქეების და მოქალაქეობის არმქონე პირების რეადმისიისთვის, პირების თანხლებით გადაცემის წესი, ინტერვიუირების პროცედურები, რეადმისიის მოთხოვნის ფორმა, ვადები და სხვა დაკავშირებული საკითხები.
შეთანხმება ასევე ხელს შეუწყობს ეფექტიანი თანამშრომლობის განვითარებას მიგრაციის სფეროში.