დონალდ ტრამპი თვლის, რომ შეერთებული შტატები შეძლებს ჩინეთთან შესანიშნავი ურთიერთობების ჩამოყალიბებას
1 წუთი კითხვის
აშშ-ის პრეზიდენტმა დონალდ ტრამპმა აღნიშნა, რომ ამერიკა შეძლებს ჩინეთთან შესანიშნავი ურთიერთობების დამყარებას.
„ჩვენ გვექნება შესანიშნავი ურთიერთობები ჩინეთთან. ეს უკვე ხდება. თქვენ ამას ხედავთ“, – „არმენპრესის“ ინფორმაციით, განაცხადა ტრამპმა თეთრ სახლში სამხრეთ კორეის პრეზიდენტ ლი ჩჟე მიონთან შეხვედრის დროს ჟურნალისტების კითხვაზე პასუხისას.
ტრამპის თქმით, ვაშინგტონს აქვს ბერკეტები, რომლებიც მის სასარგებლოდ გადაწყვეტენ პეკინთან მიმდინარე მრავალ საკითხს, პირველ რიგში, სავაჭრო სფეროში.
გარდა ამისა, ტრამპმა დაამატა, რომ ამერიკის მთავრობა არ შეუშლის ხელს ჩინელი სტუდენტების ჩამოსვლას სწავლებისთვის შეერთებულ შტატებში. „მე იმდენი ამბავი მსმენია, თითქოს მათ სტუდენტებს აღარ დავუშვებთ. ჩვენ დავუშვებთ მათ სტუდენტებს. ეს ძალიან მნიშვნელოვანია. საუბარია 600 ათას სტუდენტზე“, – აღნიშნა ტრამპმა.