ტრამპმა ზელენსკის შესთავაზა ომის შეწყვეტის სანაცვლოდ უარი თქვას ყირიმზე და ნატო-ში გაწევრიანებაზე

აშშ-ის პრეზიდენტმა დონალდ ტრამპმა განაცხადა, თუ როგორ შეუძლია უკრაინის პრეზიდენტ ვოლოდიმირ ზელენსკის დასრულოს მის ქვეყანაში მიმდინარე ომი.

„არმენპრესის“ ცნობით, Truth Social-ში აშშ-ის პრეზიდენტმა დაწერა: „უკრაინის პრეზიდენტ ზელენსკის შეუძლია თითქმის მყისიერად შეაჩეროს ომი რუსეთთან, თუ მოისურვებს, ან შეუძლია განაგრძოს ბრძოლა. გაიხსენეთ, როგორ დაიწყო ყველაფერი. აღარ დაბრუნდება ობამას მიერ გადაცემული ყირიმი (12 წლის წინ - გასროლის გარეშე) და უკრაინა ნატო-ს არ შეუერთდება. ზოგი რამ არასოდეს იცვლება“.

ტრამპმა ცალკე პოსტში ასევე აღნიშნა, რომ 18 აგვისტო, როდესაც ის ვაშინგტონში უკრაინის პრეზიდენტს და ევროპული ქვეყნების ლიდერებს უმასპინძლებს, მნიშვნელოვანი დღე იქნება. „ხვალ დიდი დღე იქნება თეთრ სახლში. არასოდეს ამდენი ევროპელი ლიდერი ერთდროულად არ ყოფილა [თეთრ სახლში]. ჩემთვის დიდი პატივია მათი მასპინძლობა“, - დაწერა ტრამპმა.

ადრე ცნობილი გახდა, რომ აგვისტოს 18-ზე ზელენსკი ვაშინგტონში ტრამპს შეხვდება. შეხვედრას დაესწრებიან საფრანგეთის პრეზიდენტი ემანუელ მაკრონი, დიდი ბრიტანეთის პრემიერ-მინისტრი ქირ სტარმერი, გერმანიის კანცლერი ფრიდრიხ მერცი და იტალიის პრემიერ-მინისტრი ჯორჯია მელონი. შეხვედრაში მონაწილეობის შესახებ ასევე განაცხადა ევროკომისიის პრეზიდენტმა ურსულა ფონ დერ ლაიენმა.