ზელენსკიმ სომხეთს დემოკრატიული არჩევნების ჩატარება მიულოცა

უკრაინის პრეზიდენტმა ვოლოდიმირ ზელენსკიმ სომხეთს დემოკრატიული არჩევნების ჩატარება მიულოცა, პრემიერ-მინისტრ ნიკოლ ფაშინიანს კი - არჩევნებში პარტია „სამოქალაქო ხელშეკრულების“ გამარჯვება.

„არმენპრესის“ ცნობით, ამის შესახებ ზელენსკიმ X-ის საკუთარ მიკრობლოგში დაწერა.

I congratulate Armenia on holding democratic and free elections, and @NikolPashinyan on his victory. This is also a victory for Armenia’s sovereignty, your independence, and your right to live the way you choose. We wish you success.

Ukraine is ready to expand our cooperation,…

— Volodymyr Zelenskyy / Володимир Зеленський (@ZelenskyyUa) June 8, 2026

„ვულოცავ სომხეთს დემოკრატიული არჩევნების ჩატარებას, ნიკოლ ფაშინიანს კი - მოპოვებულ გამარჯვებას. ეს არის ასევე სომხეთის სუვერენიტეტის, დამოუკიდებლობისა და საკუთარი გზის არჩევის უფლების გამარჯვება. ჩვენ წარმატებებს გისურვებთ. უკრაინა მზად არის გააფართოოს ჩვენი თანამშრომლობა და ახლა სწორედ ის დროა, რომ ევროკავშირმა რეალური მხარდაჭერა აღმოუჩინოს სომხეთს და გააკეთოს ყველაფერი საჭირო, რათა ადამიანებმა იგრძნონ, რომ მათი ცხოვრება უკეთესობისკენ იცვლება ევროპასთან ურთიერთობების წყალობით. ეს არის გამოცდა ევროკავშირისთვის. მნიშვნელოვანია, არ დავკარგოთ დრო და ხელიდან არ გავუშვათ შესაძლებლობები“, - დაწერა ზელენსკიმ.

სომხეთში 7 ივნისს მორიგი საპარლამენტო არჩევნები გაიმართა. ამ დროისთვის არსებული მონაცემებით, საკანონმდებლო ორგანოში სამი პოლიტიკური ძალა შედის: პარტია „სამოქალაქო ხელშეკრულება“, ბლოკი „სომხეთი“ და ბლოკი „ძლიერი სომხეთი“. სომხეთის პრემიერ-მინისტრმა ნიკოლ ფაშინიანმა განაცხადა, რომ პარტია „სამოქალაქო ხელშეკრულება“ პარლამენტში უმრავლესობას მოიპოვებს და მთავრობის ჩამოყალიბებას შეძლებს.