ზელენსკიმ ფაშინიანს სომხეთ-უკრაინის მთავრობათაშორისი კომისიის მუშაობის განახლება შესთავაზა

უკრაინის პრეზიდენტმა ვოლოდიმირ ზელენსკიმ სომხეთის პრემიერ-მინისტრ ნიკოლ ფაშინიანთან შეხვედრა ორმხრივი ურთიერთობების გააქტიურებისკენ გადადგმულ მნიშვნელოვან ნაბიჯად შეაფასა.

„კარგი შეხვედრა სომხეთის პრემიერ-მინისტრ ნიკოლ ფაშინიანთან. მადლობას ვუხდი ევროპული პოლიტიკური საზოგადოების სამიტზე მოწვევისთვის. ეს არის უკრაინის პრეზიდენტის პირველი ვიზიტი სომხეთში ბოლო 24 წლის განმავლობაში. მნიშვნელოვანია, რომ ჩვენ ვაახლებთ აქტიურ დიალოგს ჩვენს ქვეყნებს შორის“, - იტყობინება „არმენპრესი“ ზელენსკის X-ის მიკრობლოგში გამოქვეყნებულ პოსტზე დაყრდნობით.

I had a good meeting with Prime Minister of Armenia @NikolPashinyan. Thank you for the invitation to the European Political Community Summit. This is the first visit by the President of Ukraine to Armenia in the past 24 years. It is important that we are restoring active dialogue… pic.twitter.com/gOP17fwPQ0

— Volodymyr Zelenskyy / Володимир Зеленський (@ZelenskyyUa) May 4, 2026

მისი თქმით, შეხვედრის განმავლობაში განიხილეს რეგიონული განვითარების საკითხები.

„განვიხილეთ რეგიონული ვითარება, უსაფრთხოების გამოწვევები და საფრთხეები. მე მას მივაწოდე ინფორმაცია იმ დიპლომატიური ძალისხმევის შესახებ, რომელიც მიმართულია რეალური მშვიდობის მიღწევისკენ“, - აღნიშნა უკრაინის პრეზიდენტმა.

ზელენსკი ასევე შეეხო ეკონომიკურ თანამშრომლობას.

„ჩვენ ასევე ვისაუბრეთ ეკონომიკური პარტნიორობის განვითარებაზე. მე შევთავაზე ეკონომიკური თანამშრომლობის საკითხებზე ერთობლივი მთავრობათაშორისი კომისიის მუშაობის განახლება და მისი შემდეგი სხდომის წელსვე კიევში გამართვა“, - დაწერა მან.