სომხეთის რესპუბლიკის საგარეო საქმეთა მინისტრის მოადგილემ ქუვეითის საგარეო საქმეთა მინისტრის თანაშემწეს ერევან-ბაქოს ურთიერთობების ნორმალიზაციის უახლესი მოვლენები გააცნო

სამუშაო ვიზიტით ნიუ-იორკში მყოფი სომხეთის საგარეო საქმეთა მინისტრის მოადგილე ვაჰან კოსტანიანი შეხვდა ქუვეითის სახელმწიფოს საგარეო საქმეთა მინისტრის თანაშემწეს აბდულაზიზ საუდ ალ-ჯარალაჰს․

„არმენპრესის“ ინფორმაციით, სომხეთის რესპუბლიკის საგარეო საქმეთა სამინისტრო იტყობინება, რომ შეხვედრისას მხარეებმა კმაყოფილებით აღნიშნეს ორმხრივ ურთიერთობებში არსებული დადებითი დინამიკა სხვადასხვა სფეროში თანამშრომლობის მიმართულებით და ხაზი გაუსვეს საერთაშორისო ორგანიზაციების ფარგლებში თანამშრომლობის გააქტიურების აუცილებლობას.

ვაჰან კოსტანიანმა და აბდულაზიზ საუდ ალ-ჯარალაჰმა ასევე გაცვალეს მოსაზრებები რეგიონული და საერთაშორისო დღის წესრიგის აქტუალურ საკითხებთან დაკავშირებით.

სომხეთის რესპუბლიკის საგარეო საქმეთა მინისტრის მოადგილემ თავის კოლეგას გააცნო სომხეთ-აზერბაიჯანის ურთიერთობების ნორმალიზაციის პროცესის ბოლო მოვლენები.