სომხეთში ევროკავშირის მისია მზად არის მხარი დაუჭიროს რეგიონში სტაბილურობას

სომხეთში ევროკავშირის სადამკვირვებლო მისია მზად არის და აღებულ ვალდებულებას იცავს, განახორციელოს მონიტორინგი სომხეთ-აზერბაიჯანის საზღვარზე და ხელი შეუწყოს სტაბილურობას რეგიონში.

„არმენპრესის“ ინფორმაციით, ამის შესახებ ნათქვამია სომხეთში ევროკავშირის სადამკვირვებლო მისიის X-მიკრობლოგზე გამოქვეყნებულ ჩანაწერში.

„ჩვენი პატრულირების ჯგუფები 24-საათიან მონიტორინგს ახორციელებენ აზერბაიჯანთან საზღვრის სომხური მხარის მთელ პერიმეტრზე – იღებენ პასუხისმგებლობას ადგილზე არსებული ვითარების დაკვირვებაზე და რეგიონში სტაბილურობის უზრუნველყოფაზე“, – ნათქვამია მისიის განცხადებაში. 

Around the clock, our patrols 🚓 🏔️ monitor the Armenian 🇦🇲 side of the border with Azerbaijan 🇦🇿, committed to observing the situation on the ground and supporting stability in the region.🇪🇺 pic.twitter.com/E9pzfQWMla

— European Union Mission in Armenia (@EUmARMENIA) July 11, 2025