ნებისმიერი გახსნა უნდა განხორციელდეს სომხეთის სუვერენიტეტის ფარგლებში։ ირანის ელჩი

ირანი მხარს უჭერს კომუნიკაციების გახსნას სამხრეთ კავკასიაში, თუმცა ხაზგასმით აღნიშნავს, რომ ეს აუცილებლად უნდა მოხდეს სომხეთის რესპუბლიკის სუვერენიტეტის ფარგლებში․

როგორც „არმენპრესი“ იუწყება, ამის შესახებ ჟურნალისტებთან საუბრისას განაცხადა სომხეთში ირანის ისლამური რესპუბლიკის ელჩმა მეჰდი სობჰანიმ․

„ჩვენ ვუჭერთ მხარს მშვიდობას. მხარი დავუჭირეთ და კვლავ დავუჭერთ სომხეთსა და აზერბაიჯანს შორის სამშვიდობო მოლაპარაკებებს. მიგვაჩნია, რომ მშვიდობის შეთანხმების ხელმოწერა შეესაბამება როგორც ორი ქვეყნის, ასევე რეგიონის ინტერესებს. მზად ვართ, ჩვენი წვლილი შევიტანოთ ამ შეთანხმების ხელმოწერის საქმეში“, – განაცხადა ელჩმა․

მან შეახსენა, რომ ირანი მიესალმა სომხეთის პრემიერ-მინისტრის მიერ შემოთავაზებულ „მშვიდობის გზაჯვარედინის“ პროექტს.

„ეს პროექტი შეიძლება გახდეს რეგიონში კომუნიკაციების გახსნის საფუძველი. ჩვენ არ ვართ წინააღმდეგი გახსნის, ჩვენი პოზიცია ცნობილია. მაგრამ ნებისმიერი გახსნა უნდა განხორციელდეს სომხეთის რესპუბლიკის სუვერენიტეტის ფარგლებში. ვფიქრობ, ეს პროექტი ხელს შეუწყობს საქონლის გადატანას რეგიონში“, – განაცხადა მან․