1 წუთი კითხვის
აშშ-ის პრეზიდენტმა დონალდ ტრამპმა დაიწყო თავისი მეორე საპრეზიდენტო ვადის პირველი მასშტაბური საერთაშორისო ვიზიტი, რომლის ფარგლებშიც ის ეწვევა ახლო აღმოსავლეთის რამდენიმე ქვეყანას. როგორც „არმენპრესი“ იტყობინება, ამის შესახებ იუწყება CNN-ი.
13 მაისს დონალდ ტრამპი ჩავიდა საუდის არაბეთში. ერ-რიადში მას დახვდა მემკვიდრე პრინცი მოჰამედ ბინ სალმან ალ საუდი. მოგვიანებით დაგეგმილია მათი ოფიციალური შეხვედრა. შემდეგ ტრამპი სიტყვით გამოვა აშშ-საუდის არაბეთის საინვესტიციო კონფერენციაზე, სადაც ასევე ელიან ამერიკელი მილიარდერის ილონ მასკის გამოსვლას.
ამერიკულ დელეგაციაში შედიან სახელმწიფო მდივანი მარკო რუბიო, თავდაცვის მინისტრი პიტ ჰეგსეტი, ვაჭრობის მინისტრი ჰოვარდ ლუთნიკი და ენერგეტიკის მინისტრი კრის რაითი.
ამ კვირაში ტრამპი ასევე ეწვევა კატარსა და არაბეთის გაერთიანებულ საამიროებს. ემირატებში გამგზავრების წინ ვაშინგტონმა გამოაცხადა, რომ იმ ქვეყანას 1.4 მილიარდ დოლარზე მეტი ღირებულების იარაღს მიჰყიდის.