1 წუთი კითხვის
აშშ-ის ვიცე-პრეზიდენტი ჯეი დი ვენსი ვიზიტით ინდოეთში ჩავიდა, სადაც ის შეხვდება პრემიერ-მინისტრ ნარენდრა მოდის და განიხილავს ორმხრივ ვაჭრობას, საბაჟო ტარიფებს, თავდაცვის სფეროში თანამშრომლობის განვითარებასა და გეოპოლიტიკურ საკითხებს. „არმენპრესის“ ინფორმაციით, ამის შესახებ იტყობინება ინდოეთის ტელეკომპანია NDTV.
როგორც მოსალოდნელია, მოლაპარაკებების ძირითადი თემებიდან ერთ-ერთი იქნება ორმხრივი სავაჭრო შეთანხმება, რომელიც უკვე რამდენიმე კვირაა ვაშინგტონსა და ნიუ-დელს შორის განიხილება, რათა შემსუბუქდეს ინდოეთზე დაწესებული 26%-იანი ტარიფების გავლენა. შეერთებული შტატები ინდოეთის უმსხვილესი სავაჭრო პარტნიორია, ხოლო 2024 წელს ორმხრივმა სავაჭრო ბრუნვამ 129 მილიარდ დოლარს მიაღწია.
როგორც „The Economic Times“-ი აღნიშნავს, მიუხედავად იმისა, რომ ამ ვიზიტის ფარგლებში ხელშეკრულებების გაფორმება არ იგეგმება, ორივე მთავრობა საფუძველს ქმნის მასშტაბური თავდაცვითი და სავაჭრო პარტნიორობებისათვის. მოსალოდნელია, რომ ინდოეთი შეიძენს და ერთობლივად აწარმოებს Javelin-ის ტანკსაწინააღმდეგო რაკეტებსა და Stryker-ის საბრძოლო მანქანებს.