სომხეთმა და ინდოეთმა სამხედრო-ტექნიკური თანამშრომლობის საკითხები განიხილეს

სომხეთის რესპუბლიკის თავდაცვის მინისტრმა სურენ პაპიკიანმა 17 აგვისტოს, თავდაცვის სამინისტროს ადმინისტრაციულ კომპლექსში, ოფიციალური ვიზიტით სომხეთში ჩასულ ინდოეთის თავდაცვის მდივანს, რაჯეშ კუმარ სინგჰს უმასპინძლა.

თავდაცვის მინისტრმა სურენ პაპიკიანმა მაღალი შეფასება მისცა ორ ქვეყანას შორის თანამშრომლობის მიმდინარეობას.

როგორც „არმენპრესს“ სომხეთის რესპუბლიკის თავდაცვის სამინისტროდან აცნობეს, შეხვედრისას განიხილეს თავდაცვის სფეროში სომხეთ-ინდოეთის ურთიერთქმედების, მათ შორის სამხედრო-ტექნიკური თანამშრომლობის საკითხები.

მხარეები ასევე შეეხნენ რეგიონულ და საერთაშორისო უსაფრთხოებასთან დაკავშირებულ თემებს.

შეხვედრას ასევე ესწრებოდა ინდოეთის საგანგებო და უფლებამოსილი ელჩი სომხეთში, ნილაქში საჰა სინჰა.