1 წუთი კითხვის
სომხეთის პრეზიდენტის განკარგულებით, ინნა თორგომიანი დაინიშნა სომხეთის რესპუბლიკის საგანგებო და სრულუფლებიან ელჩად კვიპროსის რესპუბლიკაში.
„არმენპრესის“ ინფორმაციით, განკარგულებაში აღნიშნულია:
„პრემიერ-მინისტრის წარდგინების საფუძველზე, სომხეთის კონსტიტუციის 132-ე მუხლის პირველი ნაწილის მეორე პუნქტის, ასევე „დიპლომატიური სამსახურის შესახებ“ კანონის 13-ე მუხლის მესამე ნაწილისა და 14-ე მუხლის შესაბამისად, ინნა თორგომიანი ინიშნება სომხეთის რესპუბლიკის საგანგებო და სრულუფლებიან ელჩად კვიპროსის რესპუბლიკაში (რეზიდენცია – ნიქოზია)“.
მანამდე, პრეზიდენტის სხვა განკარგულებით, ტიგრან მკრტჩიანი გათავისუფლდა სომხეთის რესპუბლიკის საგანგებო და სრულუფლებიანი ელჩის თანამდებობიდან კვიპროსში.