2 წუთი კითხვის
სომხეთის ეროვნული ასამბლეის ეკონომიკურ საკითხთა მუდმივმოქმედმა კომისიამ მხარი დაუჭირა სომხეთისა და ამერიკის შეერთებული შტატების მთავრობებს შორის საბაჟო ორგანოების ურთიერთდახმარების შესახებ შეთანხმების რატიფიცირებას.
„არმენპრესის“ ინფორმაციით, „სომხეთის რესპუბლიკის მთავრობისა და ამერიკის შეერთებული შტატების მთავრობის შორის მათი საბაჟო ორგანოების ურთიერთდახმარების შესახებ“ შეთანხმების რატიფიცირების შესახებ კანონპროექტი კომისიის სხდომაზე სომხეთის სახელმწიფო შემოსავლების კომიტეტის თავმჯდომარის მოადგილემ რაფაელ გევორგიანმა წარმოადგინა.
გევორგიანმა გაიხსენა, რომ გასული წლის 11 ივნისს სომხეთისა და აშშ-ს მთავრობებმა შესაბამისი შეთანხმება გააფორმეს, რომელიც საბაჟო ორგანოებს ინფორმაციის გაცვლის გარკვეულ რეჟიმს დაუწესებს.
„ეს მნიშვნელოვანი წინგადადგმული ნაბიჯია გამჭვირვალობის ხელშეწყობისა და ინფორმაციის გაცვლის მიმართულებით. ამით არ იზღუდება სომხეთის საბაჟო სამსახურისა და აშშ-ის საბაჟო და სხვა სამსახურების თანამშრომლობა. ინფორმაციის გაცვლის გარდა, აშშ-ს მთავრობასთან მნიშვნელოვანი აღჭურვის პროექტებიც გვაქვს. ყველა ეს პროცესი სათანადო წესით მიმდინარეობს“, – განაცხადა გევორგიანმა.
მან იმედი გამოთქვა, რომ წელს გარკვეულ სასაზღვრო გამშვებ პუნქტებში არსებითი გაუმჯობესებები მოხდება აშშ-ის მთავრობის მხარდაჭერის გამოყენებით.