ალენ სიმონიანი ვიეტნამში ოფიციალური ვიზიტით ჩავიდა

ერევანი, 18 ნოემბერი, არმენპრესი. სომხეთის რესპუბლიკის ეროვნული ასამბლეის თავმჯდომარე ალენ სიმონიანი ვიეტნამის პარლამენტის თავმჯდომარე ჩან თან მანის მოწვევით 17 ნოემბერს ოფიციალური ვიზიტით ვიეტნამში ჩავიდა.

„არმენპრესის“ ინფორმაციით, ამის შესახებ ვიეტნამის VNA სააგენტო იუწყება.

ალენ სიმონიანის ვიზიტი ვიეტნამში 23 ნოემბრამდე გაგრძელდება.

ვიეტნამური Vietnamnews-ის ცნობით, სიმონიანის ვიზიტის ფონზე აღინიშნება, რომ სომხეთსა და ვიეტნამს შორის ორმხრივი სავაჭრო-ეკონომიკური თანამშრომლობა დადებით ნიშნულზეა ევრაზიის ეკონომიკურ კავშირსა და ვიეტნამს შორის თავისუფალი ვაჭრობის ხელშეკრულების წყალობით. აღნიშნულია, რომ 2022 წელს სომხეთსა და ვიეტნამს შორის სავაჭრო ბრუნვამ 62.6 მილიონ დოლარს მიაღწია, რაც 2021 წლის მაჩვენებელზე 469%-ით მეტია, ხოლო 2023 წელს 342 მილიონ დოლარს, რაც თავის მხრივ 516 პროცენტით მეტია 2022 წლის მაჩვენებელზე.