ერევანი უარყოფს ბაქოს ბრალდებებს აზერბაიჯანის პოზიციების მიმართულებით სროლის შესახებ

ერევანი, 29 აგვისტო, არმენპრესი. სომხეთის რესპუბლიკის თავდაცვის სამინისტრომ უარყო აზერბაიჯანის თავდაცვის სამინისტროს მიერ გავრცელებული ინფორმაცია, თითქოსდა სომხურმა შეიარაღებულმა ძალებმა ცეცხლი გაუხსნეს საზღვრის სამხრეთ-დასავლეთ მონაკვეთზე განლაგებულ აზერბაიჯანულ პოზიციებს. „არმენპრესის“ ცნობით, ამის შესახებ ინფორმაციას სომხეთის რესპუბლიკის თავდაცვის სამინისტრო ავრცელებს:

„აზერბაიჯანის თავდაცვის სამინისტრო კვლავ დეზინფორმაციას ავრცელებს.

აზერბაიჯანის თავდაცვის სამინისტროს განცხადება, რომ თითქოს 28 აგვისტოს, 18:30-ის განმავლობაში, სომხეთის შეიარაღებულ ძალთა ქვედანაყოფებმა ცეცხლი გაუხსნეს საზღვრის სამხრეთ-დასავლეთ მონაკვეთზე განლაგებულ აზერბაიჯანულ პოზიციებს, არ შეესაბამება სიმართლეს.

შეგახსენებთ, რომ სომხეთის რესპუბლიკის პრემიერ-მინისტრის აპარატმა შესთავაზა სომხეთ-აზერბაიჯანის ერთობლივი მექანიზმის შექმნა ცეცხლის შეწყვეტის რეჟიმის დარღვევის შემთხვევების და/ან ამგვარი ინფორმაციის გამოძიებისთვის, რაზედაც დღემდე აზერბაიჯანს პასუხი არ გაუცია“, - ნათქვამია განცხადებაში.