რუსეთში სომხეთის ელჩად გურგენ არსენიანი დაინიშნა

ერევანი, 15 აგვისტო, არმენპრესი. გურგენ არსენიანი დაინიშნა რუსეთის ფედერაციაში სომხეთის რესპუბლიკის საგანგებო და სრულუფლებიან ელჩად. როგორც „არმენპრესი“ იტყობინება, ამის შესახებ სომხეთის პრეზიდენტის მიერ ხელმოწერილ ბრძანებულებაშია აღნიშნული.

„პრემიერ-მინისტრის შეთავაზების საფუძველზე, კონსტიტუციის 132-ე მუხლის 1-ლი ნაწილის 2-ე პუნქტის და „დიპლომატიური სამსახურის შესახებ“ კანონის 13-ე მუხლის მე-3 ნაწილის და 14-ე მუხლის თანახმად:

გურგენ არსენიანი დაინიშნოს რუსეთის ფედერაციაში სომხეთის რესპუბლიკის საგანგებო და სრულუფლებიან ელჩად (რეზიდენცია: მოსკოვი)“, - ნათქვამია ბრძანებულებაში.

სხვა განკარგულებით ვაღარშაკ ჰარუთიუნიანი რუსეთში სომხეთის ელჩის თანამდებობიდან გამოწვეული იქნა.