ვიეტნამში სომხეთის ელჩმა ქვეყნის საგარეო საქმეთა მინისტრს „მშვიდობის გზაჯვარედინი“ პროექტი წარუდგინა

ერევანი, 12 აგვისტო, არმენპრესი․ ვიეტნამის სოციალისტურ რესპუბლიკაში სომხეთის რესპუბლიკის საგანგებო და სრულუფლებიანმა ელჩმა სურენ ბაღდასარიანმა შეხვედრა გამართა ვიეტნამის საგარეო საქმეთა მინისტრთან ბუი თან შონთან.

„არმენპრესის“ ცნობით, ამის შესახებ ვიეტნამში სომხეთის საელჩო იუწყება და დასძენს, რომ შეხვედრის დროს მხარეებმა განიხილეს ეკონომიკური, პოლიტიკური, საგანმანათლებლო, კულტურული და სხვა სფეროებში ურთიერთობების დღის წესრიგის გაფართოებასთან დაკავშირებული რამდენიმე საკითხი.

გარდა ამისა, გავრცელდა ინფორმაცია, რომ მხარეებმა ხაზგასმით აღნიშნეს პოლიტიკური მაღალ დონეზე ვიზიტების მნიშვნელობა ორმხრივი ურთიერთობების დინამიური განვითარების თვალსაზრისით.

„„მშვიდობის გზაჯვარედინის“ პროეკტის ფარგლებში რეგიონალური თანამშრომლობის შესახებ სომხური მხარის მიდგომების წარდგენისას, ელჩმა ბაღდასარიანმა ხაზი გაუსვა ვიეტნამთან კავშირების განმტკიცების მნიშვნელობას საერთაშორისო და რეგიონალურ ფორმატებში“, - განაცხადა სომხეთის საელჩომ.

საელჩომ ასევე დასძინა, რომ შეხვედრის დროს განიხილეს ორი ქვეყნის მოქალაქეებისთვის სავიზო რეჟიმის ლიბერალიზაციის, ტურიზმის ხელშეწყობის, სომხეთი-ვიეტნამის პირდაპირი რეისების ორგანიზების და სხვა საკითხები.