სომხეთმა და საქართველომ მიაღწიეს შეთანხმებას დელიმიტაციის სამუშაოების განახლებაზე: საგარეო საქმეთა მინისტრის მოადგილე

ერევანი, 11 აპრილი, არმენპრესი. სომხეთისა და საქართველოს მთავრობებმა მიაღწიეს შეთანხმებას დელიმიტაციის სამუშაოების განახლებაზე, რომელიც საკმაოდ დიდი ხნის განმავლობაში შეჩერებულია.

„არმენპრესის“ ცნობით,ამის შესახებ სომხეთის საგარეო საქმეთა მინისტრის მოადგილემ ვაჰან კოსტანიანმა განაცხადა.

„ამ დროისთვის ორივე ქვეყანამ განაახლა დელიმიტაციის კომისიის შემადგენლობა, მაგრამ შეხვედრა ჯერ არ შედგა. ბუნებრივია, ორივე მხრიდან გარკვეული საშინაო დავალება კეთდება და ვიმედოვნებთ, რომ პირველი შეხვედრა არ გადაიდება“, - განაცხადა მან.

კითხვაზე, აპირებს თუ არა სომხეთი ამ პროცესის ფარგლებში საქართველოსთვის რაიმე ტერიტორიის დათმობას, კოსტანიანმა უპასუხა, რომ განხორციელდება დელიმიტაციის პროცესი, რომლის ლოგიკაა 1991 წლის ალმა-ათას დეკლარაციის საფუძველზე საზღვრის აღდგენა ყველა მეზობელთან.