1 րոպեի ընթերցում
ԵՐԵՎԱՆ, 1 ԴԵԿՏԵՄԲԵՐԻ, ԱՐՄԵՆՊՐԵՍ: ՀՀ արտակարգ իրավիճակների նախարարության «911» ծառայությունը նոյեմբերի 30-ին, ժամը 15:57-ին տեղեկություն է ստացել, որ Սյունիքի մարզի Քարահունջ գյուղի վերջնամասում հրդեհ է բռնկվել:
Դեպքի վայր է մեկնել ԱԻՆ փրկարար ծառայության մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Հրդեհը մեկուսացվել է ժամը 17:55-ին: Հրդեհի մակերեսը կազմում էմոտ 4000 քմ բուսածածկույթ:
Մթության և տարածքի դժվարանցանելիության պատճառով հրդեհաշիջման աշխատանքները դադարեցվել են: Փրկարարների և գյուղի 2 բնակչի կողմից սահմանվել է հերթապահություն:
Հրդեհաշիջման աշխատանքներին մասնակցել են Քարահունջ գյուղի 3 բնակիչ:
Ինչպես «Արմենպրես»-ին տեղեկացրին ՀՀ արտակարգ իրավիճակների նախարարության տեղեկատվության և հասարակայնության հետ կապերի վարչությունից, դեկտեմբերի 1-ին, ժամը 07:35-ին «911» ծառայություն տեղեկություն է հաղորդվել, որհրդեհն ինքնամարվել է: