ԵՄ-ն Արաբական Միացյալ Էմիրությունները կբացառի հարկային սեւ ցուցակից. Reuters
2 րոպեի ընթերցում
![ԵՄ-ն Արաբական Միացյալ Էմիրությունները կբացառի հարկային սեւ ցուցակից. Reuters](http://armenpress.am/resized/480/static/news/b/2019/10/990523.jpg)
ԵՐԵՎԱՆ, 4 ՀՈԿՏԵՄԲԵՐԻ, ԱՐՄԵՆՊՐԵՍ: Եվրամիությունը հոկտեմբերի 10-ին Արաբական Միացյալ Էմիրությունները (ԱՄԷ) եւ Մարշալյան կղզիները կբացառի օֆշորների սեւ ցուցակից, որոնք ԵՄ-ի հետ հարկ եղած ձեւով չեն համագործակցում հարկային ոլորտում: Այդ մասին հոկտեմբերի 4-ին հայտնել Է Reuters գործակալությունը՝ վկայակոչելով Եվրամիության փաստաթուղթը, տեղեկացնում Է «Արմենպրես»-ը:
Բացի այդ, այն երկրների սեւ ցուցակից, որոնց անհրաժեշտ Է լրացուցիչ աշխատանք կատարել հարկային ոլորտում, կբացառվի Շվեյցարիան: Ինչպես հայտնել Է գործակալությունը, Բեռնն իր հարկային ռեժիմը համապատասխանեցրել Է ԵՄ-ի պահանջներին:
Մարտին ԵՄ-ի խորհուրդը հաստատել Է 15 պետություններից բաղկացած սեւ ցուցակը, որոնք հրաժարվել են փոխել իրենց հարկային օրենսդրությունը: ԵՄ-ի խորհուրդը դրանում ներառել Է տասը նոր երկիր՝ Արուբան, Բարբադոսը, Բելիզը, Բերմուդյան կղզիները, Վանուտուն, Դոմինիկյան Հանրապետությունը, Ֆիջին, Մարշալյան կղզիները, Օմանը, ԱՄԷ-ն: Նրանք ավելացրել են այն հինգ պետություններին, որոնք ցուցակում գտնվում Էին անցյալ տարվանից (Ամերիկյան Սամաոն, Գուամը, Սամաոն, Տրինhդադը եւ Տոբագոն, ինչպես նաեւ Ամերիկյան Վիրջինյան կղզիները): Եվս 34 պետություն ներառվել են գորշ ցուցակում: Դա նշանակում Է, որ նրանց հարկավոր Է լրացուցիչ աշխատանք կատարել, որպեսզի նրանց հարկային ռեժիմներն ստանան ԵՄ-ի հավանությունը, հաղորդել Է ՏԱՍՍ-ը: