Աքշեները հայտնել է 2023 թ. ընտրություններին Էրդողանի ընտրվելու անհավանականության մասին

ԵՐԵՎԱՆ, 13 ՍԵՊՏԵՄԲԵՐԻ, ԱՐՄԵՆՊՐԵՍ: Թուրքական «Լավ» կուսակցության առաջնորդ Մերալ Աքշեները հայտարարել է, որ 2023 թվականի ընտրություններին անհնար է, որ կրկին ընտրվի Ռեջեփ Թայիփ Էրդողանը:

Այս մասին, ինչպես հաղորդում է «Արմենպրես»-ը, հայտնում է թուրքական «Գազեթե դուվար» լրատվամիջոցը:

Աքշեները նախ անդրադարձել է ընդդիմադիր, քեմալական Հանրապետա-ժողովրդական կուսակցության հետ՝ որպես մեկ դաշինք համագործակցության շարունակականությանը և հայտնել, որ դա կախված է քաղաքական հետագա զարգացումներից:

Ապա նա նշել է, որ չնայած դեռևս հայտնի չեն 2023 թվականի նախագահական ընտրությունների թեկնածուների անունները, սակայն Էրդողանն ինքն էլ է տեսնում, որ մեծ դժվարությունների առաջ է կանգնելու: