Մերձավոր Արեւելքն անվտանգ կլինի, եթե ԱՄՆ-ը դադարեցնի տնտեսական պատերազմը. Զարիֆ

ԵՐԵՎԱՆ, 28 ՕԳՈՍՏՈՍԻ, ԱՐՄԵՆՊՐԵՍ: Իրանը պնդում Է, որ Մերձավոր Արեւելքում տարածաշրջանային անվտանգության հետ կապված իրադրությունը կկայունանա, եթե ԱՄՆ-ը դադարեցնի տնտեսական պատերազմը Թեհրանի դեմ: Այդ մասին, ինչպես տեղեկացնում Է «Արմենպրես»-ը, օգոստոսի 28-ին NHK հեռուստաալիքին հայտարարել Է Իրանի արտաքին գործերի նախարար Մոհամադ Ջավադ Զարիֆը:

«Չափազանց զժվար Է անվտանգ պահել տարածաշրջանը, քանի դեռ ԱՄՆ-ը տնտեսական պատերազմ Է մղում Իրանի դեմ: Տարածաշրջանն ինքը կկայունանա, եթե ԱՄՆ-ը դադարեցնի ահաբեկչությամբ ու տնտեսական պատերազմներով զբաղվելը»,- ասել Է նա:

Զարիֆն այցով գտնվում Է Ճապոնիայում: Օգոստոսի 28-ին նա հանդիպում Է անցկացրել այդ երկրի վարչապետ Սինձո Աբեի հետ, որի ընթացքում կողմերը քննարկել են Մերձավոր Արեւելքի իրադրությունը եւ լարվածության թուլացմանն ուղղված ջանքերը: Նախօրյակին Իրանի ԱԳ նախարարը բանակցություններ Էր վարել Ճապոնիայի իր պաշտոնակից Տարո Կոնոյի հետ:

Ավելի վաղ Զարիֆը հայտարարել Է, որ Թեհրանը դեմ Է իրանական միջուկային ծրագրի վերաբերյալ Գործողությունների համատեղ համապարփակ ծրագրի (ԳՀՀԾ) վերանայմանը: «Մեր դիրքորոշումը միանգամայն հստակ Է՝ մենք գտնում ենք, որ ԳՀՀԾ-ի շուրջ կրկնական բանակցություններ չեն կարող անցկացվել»,-ասել Է Զարիֆը: Նա նաեւ ասել Է, որ իր երկիրը պատրաստ Է վերադառնալ Գործողությունների համատեղ համապարակ ծրագրով նախատեսված պարտավորությունների կատարմանը, եթե Եվրոպան սկսի կատարել դրա պայմանները: «Եթե Եվրոպան կատարի գործարքով նախատեսված իր պարտավորությունները, մենք կվերադառնանք դրանց կատարմանը: Մենք դա կանենք, նույնիսկ եթե ԱՄՆ-ը չվերադառնա ԳՀՀԾ»,-ասել Է նախարարը: Նրա խոսքով՝ «ոչ թե Իրանը, այլ ԱՄՆ-ն Է ձգտում վերացնել միջուկային գործարքը»:

«Մենք կարող ենք ԳՀՀԾ-ին վերադառնալ մի քանի ժամվա ընթացքում»,-ընդգծել Է նա: Նախարարը նշել Է, որ «լավագույն սցենարը ԱՄՆ-ի նախագահ Դոնալդ Թրամփի վերադարձն Է համաձայնագիր»:

«Վատագույն դեպքում պայմանավորվածության անհնարինությունը կբերի պատերազմի: Այս տարբերակը պարտվողական Է բոլորի համար»,-հավելել Է նա: Զարիֆի խոսքով՝ «Իրանը դուրս չի գա ԳՀՀԾ-ից, որովհետեւ այն լավ համաձայնագիր Է, իսկ դրա ոչնչացումը կարող Է բացել «Պանդորայի արկղը»: «Միջուկային զենքի չտարածման պայմանագիրը միջազգային իրավունքի անկյունաքարն Է: ՄԵնք այսուհետեւ Էլ կպահպանենք չտարածման ռեժիմը»,-ասել Է նա, հաղորդել Է ՏԱՍՍ-ը: