Էդիրնեում շարունակվում է ապօրինի գաղթականների մուտքը

ԵՐԵՎԱՆ, 26 ՕԳՈՍՏՈՍԻ, ԱՐՄԵՆՊՐԵՍ: Թուրքական ժանդարմերիան շարունակում է Թուրքիայի արևմուտքում՝ Հունաստանի սահմանին մոտ գտնվող Էդիրնե քաղաք մուտք գործող անձանց ստուգումները:

Այս մասին, ինչպես հաղորդում է «Արմենպրես»-ը, հայտնում է թուրքական «Անադոլու» լրատվական գործակալությունը:

Տեղեկատվության համաձայն՝ անցյալ շաբաթվա ընթացքում Էդիրնե փորձել է մուտք գործել 3 հազար 899 ապօրինի փախստական: Հայտնի է, որ նրանց մեծամասնությունը Աֆղանստանից և Պակիստանից են եղել: