ԿԳՄՍ նախարարությունն ընդունում է «Բաց կառավարման գործընկերություն-Հայաստան»-ին մասնակցելու հայտեր
1 րոպեի ընթերցում
![ԿԳՄՍ նախարարությունն ընդունում է «Բաց կառավարման գործընկերություն-Հայաստան»-ին մասնակցելու հայտեր](http://armenpress.am/resized/480/static/news/b/2019/08/983738.jpg)
ԵՐԵՎԱՆ, 2 ՕԳՈՍՏՈՍԻ, ԱՐՄԵՆՊՐԵՍ։ ՀՀ կրթության, գիտության, մշակույթի և սպորտի նախարարությունը հայտարարում է «Բաց կառավարման գործընկերություն-Հայաստան» (ԲԿԳ) նախաձեռնության շրջանակում քաղաքացիական հասարակության և մասնավոր կազմակերպությունների հայտերի ընդունում՝ 2018-2020թթ. գործողությունների ծրագրի շրջանակում Կրթության կառավարման տեղեկատվական միասնական համակարգին վերաբերող ՀՀ կրթության, գիտության, մշակույթի և սպորտի նախարարության ստանձնած հանձնառությունը իրականացնելու համար:
«Համապատասխանող կազմակերպությունները կընդգրկվեն ԲԿԳ աշխատանքները համակարգող աշխատանքային խմբում: Դիմողներին խնդրում ենք ուսումնասիրել գործողությունների ծրագրի 8-րդ կետը (https://bit.ly/2Nj9EMF) և լրացնել կից ներկայացված հարցաթերթը: Հայտերն ընդունվում են մինչև օգոստոսի 20-ը հետևյալ էլեկտրոնային հասցեով՝ kgmsn@edu.am (Վարսենիկ Գրիգորյան, հեռ.՝ 010 52 47 77)»,- նշված է հաղորդագրության մեջ: