Բոդրումում ջրասույզ է եղել ապօրինի միգրանտներ տեղափոխող նավը
1 րոպեի ընթերցում
![Բոդրումում ջրասույզ է եղել ապօրինի միգրանտներ տեղափոխող նավը](http://armenpress.am/resized/480/static/news/b/2019/07/982574.jpg)
ԵՐԵՎԱՆ, 23 ՀՈՒԼԻՍԻ, ԱՐՄԵՆՊՐԵՍ: Թուրքիայի Մուղլա նահանգի Բոդրում գավառի առափնյա հատվածներում ջրասույզ է եղել ապօրինի միգրանտներ տեղափոխող նավը: Հաջողվել է փրկել 8 հոգու, իսկ 1-ը` անհետ կորած է:
Այս մասին, ինչպես հաղորդում է «Արմենպրես»-ը, հայտնում է թուրքական «Անադոլու» լրատվական գործակալությունը:
Ըստ տեղեկությունների՝ անհետ կորած անձին գտնելու ուղղությամբ աշխատանքներ են իրականացվում: Իսկ փրկված ապօրինի միգրանտները տեղափոխվել են ոստիկանական բաժանմունք: