Արմավիրի և Շիրակի տարածաշրջանային պետական քոլեջներում իրականացվելու են շինարարական աշխատանքներ

ԵՐԵՎԱՆ, 4 ՀՈՒԼԻՍԻ, ԱՐՄԵՆՊՐԵՍ։ ՀՀ կառավարությունը գումար է հատկացնելու Արմավիրի և Շիրակի տարածաշրջանային պետական քոլեջներում շինարարական աշխատանքների իրականացման համար։

«Արմենպրես»-ի փոխանցմամբ՝ կառավարությունն այսպիսի որոշում ընդունեց հուլիսի 4-ի նիստում:

«Այս քոլեջներին Եվրամիությունը 5-6 տարի առաջ հատկացրել է բավականին թանկարժեք սարքավորումներ, որոնք մինչև հիմա չեն կարողանում շահագործվել շենքային պայմաններ չունենալու պատճառով։ Այս ուսումնական հաստատությունները ունեցել են նախագծեր, բայց մինչև հիմա շինարարական աշխատաքներ չեն իրականացվել, և այդ սարքերը չեն օգտագործվում»,- ասաց ՀՀ կրթության, գիտության, մշակույթի և սպորտի նախարար Արայիկ Հարությունյանը։

Նա նշեց, որ նախագծանախահաշվային փաստաթղթեր պատրաստելու համար հատկացվելու է շուրջ 36 միլիոն դրամ։