Հալեպի իշխանությունները մինչեւ ամառվա վերջը կվերականգնեն տեղի խոշորագույն շուկան
2 րոպեի ընթերցում
![Հալեպի իշխանությունները մինչեւ ամառվա վերջը կվերականգնեն տեղի խոշորագույն շուկան](http://armenpress.am/resized/480/static/news/b/2019/05/976640.jpg)
ԵՐԵՎԱՆ, 30 ՄԱՅԻՍԻ, ԱՐՄԵՆՊՐԵՍ: Սիրիայի Հալեպ քաղաքի իշխանությունները մտադիր են երեք ամսվա ընթացքում վերականգնել տեղի խոշորագույն պարենային շուկան, որն ավերվել Է զինյալների կողմից: Այդ մասին, ինչպես տեղեկացնում Է «Արմենպրես»-ը, լրագրողներին հայտնել Է ինժեներ Մուստաֆա ալ Ալին:
Մարտական գործողությունների ընթացքում շուկան գրավվել Էր ահաբեկիչների կողմից: Նրանք դրա տարածքում կազմակերպել Էին ամրացված շրջան եւ բանտ՝ գերիների համար: Հեռանալուց առաջ զինյալները փորձել են քանդել շուկայի շենքերը, դրանք խիստ վնասվել են: Նոր շուկան կառուցվում Է քանդված տների տարածքում, որոնք ենթակա չեն վերականգնման:
«Բոլոր այս տները հեռացվելու են, կլինեն նոր շրջաններ, շքեղ շրջաններ, բայց դրա համար ժամանակ Է հարկավոր: Այստեղ աշխատում Է շուրջ 15 միավոր տեխնիկա՝ Էքսկավատորներ, մեքենաներ:
Մոտավորապես 120 մարդ Է աշխատում այստեղ»,-ասել Է ինժեները: Ներկայում առեւտրականները մեծ շուկայի բացակայության պատճառով իշխանությունների թույլտվությամբ զբաղեցրել են տեղի փողոցներից մեկը:
«Ամբողջ բանջարեղենն աճեցված Է Հալեպի մերձակայքում, ուստի գները բարձր չեն»,-ասել Է վաճառողներից մեկը: Այստեղ կարելի Է գնել բոլոր մթերքները՝ լոբի, սմբուկ, լոլիկ, կարտոֆիլ, մրգեր:
Սիրիայում զինված հակամարտությունը շարունակվում Է 2011 թվականից: 2017 թվականի վերջին հայտարարվել Է «Իսլամական պետություն» ահաբեկչական խմբավորման նկատմամբ հաղթանակի մասին: Ներկայում առաջին պլան են մղվում քաղաքական կարգավորումը, Սիրիայի վերականգնումը, ինչպես նաեւ փախստականների վերադարձը, հաղորդել Է ՌԻԱ Նովոստին: