ԵԱՀԿ-ն չպետք Է աչք փակի եվրոպական տարածաշրջանի հակամարտությունների վրա. Լուկաշենկո
2 րոպեի ընթերցում
![ԵԱՀԿ-ն չպետք Է աչք փակի եվրոպական տարածաշրջանի հակամարտությունների վրա. Լուկաշենկո](http://armenpress.am/resized/480/static/news/b/2019/04/973017.jpg)
«Չափազանց շատ խնդիրներ են կուտակվել այստեղ մեզ մոտ, ընդհանուր տանը, որոնք պետք Է լուծել՝ Լեռնային Ղարաբաղ, Մերձդնեստր… ավելացել Է Ուկրաինան, եւ դա արդեն լուրջ հակամարտություն Է, շատերն այն պատերազմ են անվանում: Ես շատ հաճախ եմ ԵԱՀԿ-ին քննադատում այն բանի համար, որ մենք թույլ ենք արձագանքում այդ հարցերին, մինչդեռ դա ԵԱՀԿ-ի աշխատանքի անմիջական թեման Է, քանի որ այն, նախեւառաջ, եվրոպական աշխարհամասի անվտանգության կազմակերպությունն Է: Եվ ոչ մի դեպքում չի կարելի աչք փակել այդ խնդիրների վրա»,-հայտարարել Է Լուկաշենկոն ԵԱՀԿ-ի Խորհրդարանական վեհաժողովի նախագահ Գեորգի Ծերեթելիի հետ ապրիլի 29-ին Մինսկում կայացած հանդիպմանը:
Բելառուսի նախագահը վերստին քննադատաբար Է արտհայտվել այն մասին, որ ԵԱՀԿ-ի պետությունների ղեկավարներն արդեն երկար ժամանակ Է՝ չեն կարողանում հավաքվել՝ քննարկելու տարածաշրջանի խնդիրները եւ «նախանշելու ստեղծված իրավիճակից դուրս գալու ուղիները», հաղորդել Է ՌԻԱ Նովոստի գործակալությունը: