Քիմ Քարդաշյանը մասնակցել է Կալիֆորնիայի համալսարանում հոր անունը կրող կենտրոնի բացմանը
1 րոպեի ընթերցում
ԵՐԵՎԱՆ, 17 ԱՊՐԻԼԻ, ԱՐՄԵՆՊՐԵՍ: Ամերիկյան ռեալիթի շոուների աստղ Քիմ Քարդաշյանը մասնակցել է Լոս Անջելեսի Կալիֆորնիայի համալսարանում (UCLA) հոր՝ Ռոբերտ Քարդաշյանի անունը կրող` Կերակրափողի առողջության կենտրոնի բացման արարողությանը: Ինչպես հաղորդում է «Արմենպրես»-ը, այս մասին հայտնում է Daily Mail-ը:
«Մենք արդեն մեկ տարի է՝ պատրաստվում էինք այս արարողությանը: Իմ ցանկությունն է, որ մյուս ընտանիքները կարողանան ունենալ ավելի շատ տեղեկություն, ինչը թույլ կտա կենտրոնանալ առողջության ու հիվանդության կանխարգելման վրա»,- նշել է Քարդաշյանը:
Արարողությանը ներկա են եղել նաև Ռոբերտ Քարդաշյանի առաջին կինը՝ Քիմի մայր Քրիս Ջեները և նրա մյուս դուստր Քլոեն:
Ռոբերտ Քարդաշյանը մահացել է 2003 թվականին՝ կերակրափողի քաղցկեղից: